Москвада өрттөнгөн учакта КР жарандары болбогонун элчилик билдирди

Москвада өрттөнгөн учакта КР жарандары болбогонун элчилик билдирди

Учак жерге конуп жатканда кыймылдаткычтары иштебей калып, күйүп кеткен.

Москва — Мурманск каттамы менен багыт алып кырсыктаган Sukhoi Superjet 100 учагынан жабыркагандардын жана каза болгондордун арасында КР жарандары жок. Бул тууралуу Кыргызстандын Россиядагы элчилигинен билдиришти.

Ведомствого мындай маалыматты Россия ӨКМинин ыкчам кызматы берген.

Окуя 5-майда болгон. Sukhoi Superjet 100 учагы Москвадан Мурманскиге учуп, абага көтөрүлгөндөн кийин 28 мүнөттөн соң Шереметьево аэропортуна конууга аргасыз болгон. Учак аба ырайынын катаалдыгынан улам экинчи жолку аракетинде гана коно алган. Жерге конуп жатканда кыймылдаткычтары иштебей калып, күйүп кеткен.Мурманск облусунун жетекчилиги тарабынан аймакта үч күндүк аза күтүү жарыяланды. Облустун каза болгон тургундарынын жакындары миллион рублден компенсация алат. Ал эми ооруканага жеткирилгендерге 500 миң рублден берилет.

Учактын ичиндеги 78 жүргүнчүнүн 37си гана аман калган. Алардын 33ү жүргүнчү болсо, төртөө экипаждын мүчөсү.

Тирүү калгандардын тизмесин “Аэрофлот” өз сайтына жарыялады.

Алты киши ооруканага жаткырылып, үчөө оор абалда экени айтылды.

Булак Спутник

Автор жөнүндө

Комментарий калтыруу

<